ஆஷஸ்: இரண்டாவது டெஸ்டில் அவுஸ்ரேலியக் கிரிக்கெட் அணி அபார வெற்றி

ஆஷஸ் டெஸ்ட் கிரிக்கெட் தொடரின் இரண்டாவது டெஸ்ட் போட்டியில், அவுஸ்ரேலியக் கிரிக்கெட் அணி 275 ஓட்டங்களால் அபார வெற்றிபெற்றுள்ளது.

இந்த வெற்றியின் மூலம் அவுஸ்ரேலியக் கிரிக்கெட் அணி, ஐந்து போட்டிகள் கொண்ட டெஸ்ட் தொடரில் 2-0 என்ற கணக்கில் முன்னிலைப் பெற்றுள்ளது.

அடிலெய்ட் ஓவல் மைதானத்தில் கடந்த வியாழக்கிழமை ஆரம்பமான இப்போட்டியில், நாணய சுழற்சியில் வெற்றிபெற்ற அவுஸ்ரேலியா அணி, முதலில் துடுப்பெடுத்தாட தீர்மானித்தது.

இதன்படி முதல் இன்னிங்ஸிற்காக துடுப்பெடுத்தாடிய அவுஸ்ரேலியா அணி, 9 விக்கெட்டுகள் இழப்புக்கு 473 ஓட்டங்களை பெற்றிருந்த போது, தனது முதல் இன்னிங்ஸ் ஆட்டத்தை இடைநிறுத்திக்கொண்டது.

இதன்போது அணியின் அதிகப்பட்ச ஓட்டங்களாக, மார்னஸ் லபுஸ்சேகன் 103 ஓட்டங்களையும் டேவிட் வோர்னர் 95 ஓட்டங்களையும் ஸ்டீவ் ஸ்மித் 93 ஓட்டங்களையும் பெற்றுக்கொண்டனர்.

இங்கிலாந்துக் கிரிக்கெட் அணியின் பந்துவீச்சில், பென் ஸ்டோக்ஸ் 3 விக்கெட்டுகளையும் ஜேம்ஸ் எண்டர்சன் 2 விக்கெட்டுகளையும் ஸ்டுவர்ட் பிரோட், கிறிஸ் வோக்ஸ், ரொபின்சன் மற்றும் ரூட் ஆகியோர் தலா 1 விக்கெட்டினையும் வீழ்த்தினர்.

இதனைத்தொடர்ந்து பதிலுக்கு முதல் இன்னிங்சை தொடங்கிய இங்கிலாந்து அணி, முதல் இன்னிங்ஸிற்காக 236 ஓட்டங்களை பெற்றுக்கொண்டது.

இதில் அணியின் அதிகப்பட்ச ஓட்டங்களாக, டாவிட் மாலன் 80 ஓட்டங்களையும் ஜோ ரூட் 62 ஓட்டங்களையும் பெ;றறுக்கொண்டனர்.
அவுஸ்ரேலியக் கிரிக்கெட் அணியின் பந்துவீச்சில், மிட்செல் ஸ்டாக் 4 விக்கெட்டுகளையும் நாதன் லியோன் 3 விக்கெட்டுகளையும் கிறீன் 2 விக்கெட்டுகளையும் மைக்கேல் நீஸர் 1 விக்கெட்டினையும் வீழ்த்தினர்.

இதனையடுத்து இரண்டாவது இன்னிங்ஸிற்காக துடுப்பெடுத்தாடிய அவுஸ்ரேலியா அணி, 9 விக்கெட்டுகள் இழப்புக்கு 230 ஓட்டங்களை பெற்றிருந்த வேளை தனது இரண்டாவது இன்னிங்ஸ் ஆட்டத்தை இடைநிறுத்திக்கொண்டது.

இதற்கமைய அவுஸ்ரேலியக் கிரிக்கெட் அணி, இங்கிலாந்து கிரிக்கெட் அணிக்கு 468 ஓட்டங்களை வெற்றி இலக்காக நிர்ணயித்தது.

இதன்போது அவுஸ்ரேலியா அணி சார்பில், அதிகப்பட்ச ஓட்டங்களாக, மார்னஸ் லபுஸ்சேகன் மற்றும் ட்ராவிஸ் ஹெட் ஆகியோர் தலா 51 ஓட்டங்களை பெற்றுக்கொண்டனர்.

இங்கிலாந்துக் கிரிக்கெட் அணியின் பந்துவீச்சில், ரொபின்சன், ரூட் மற்றும் மாலன் ஆகியோர் தலா 2 விக்கெட்டுகளையும் ஜேம்ஸ் எண்டர்சன் மற்றும் ப்ரோட் ஆகியோர் தலா 1 விக்கெட்டினையும் வீழ்த்தினர்.

இதனைத்தொடர்ந்து 468 ஓட்டங்கள் என்ற வெற்றி இலக்கை நோக்கி களமிறங்கிய இங்கிலாந்து அணி, 192 ஓட்டங்களுக்கு சுருண்டது. இதனால், அவுஸ்ரேலியக் கிரிக்கெட் அணி 275 ஓட்டங்களால் அபார வெற்றிபெற்றது.

இதன்போது அணியின் அதிகப்பட்ச ஓட்டங்களாக, கிறிஸ் வோக்ஸ் 44 ஓட்டங்களையும் ரொறி பர்ன்ஸ் 34 ஓட்டங்களையும் பெற்றுக்கொண்டனர்.

அவுஸ்ரேலியக் கிரிக்கெட் அணியின் பந்துவீச்சில், ஜெய் ரிச்சட்சன் 5 விக்கெட்டுகளையும் மிட்செல் ஸ்டாக் மற்றும் நாதன் லியோன் ஆகியோர் தலா 2 விக்கெட்டுகளையும் மைக்கேல் நீஸர் 1 விக்கெட்டினையும் வீழ்த்தினர்.

இரு அணிகளுக்கிடையிலான மூன்றாவது டெஸ்ட் போட்டி, பொக்ஸிங் டே அன்று மெல்பேர்ன் மைதானத்தில் நடைபெறவுள்ளது.

LEAVE A REPLY

Please enter your comment!
Please enter your name here